Германия терма жамоаси бош мураббийи, айни пайтда 36 ёшу 328 кунлик бўлган Юлиан Нагельсманн ўз номини Европа чемпионатлари тарихига ёзди.

Германия терма жамоасида 36 ёшли бош мураббий Нагельсманн 38 ёшли дарвозабон Мануэль Нойерни майдонга туширди. "MisterChip" хабарига кўра, бу Европа чемпионатлари тарихида мураббий ўзидан каттароқ футболчини майдонга туширган биринчи ҳолатдир.

Эслатиб ўтамиз, кеча, 14 июнь куни якунига етган турнирнинг илк учрашувида немислар Шотландияни йирик 5:1 ҳисобида мағлуб этишган эди. Германия турнирдаги навбатдаги ўйинини Венгрияга қарши, Шотландия Швейцарияга қарши ўтказади. Ҳар икки ўйин 19 июнь куни бўлиб ўтади.

Евро-2024 14 июндан 14 июлгача бўлиб ўтади. Турнир Германияда ўтказилади.