Кеча, 14 июнь куни Германия терма жамоаси 2024 йилги Европа чемпионатининг очилиш ўйинида Шотландия терма жамоасини мағлуб этди, «Альянц-Арена» стадионида кечган учрашув 5:1 ҳисобида якунланди.
Шу тариқа, Шотландия 2003 йилнинг ноябридан бери илк бор расмий ўйинда ўз дарвозасидан бешта гол ўтказиб юборди. Сўнгги бор у 2004 йилги Европа чемпионатига саралаш ўйинида Нидерландия термасига 0:6 ҳисобида ютқазганди.
Ўртоқлик ўйинларида Шотландия 2012 йилнинг май ойида АҚШ билан ўйинда (1:5) бешта гол ўтказиб юборди.
Шотландия навбатдаги ўйинини Швейцария термаси билан, немислар эса Венгрия терма жамоаси билан ўтказади.
