Темур Олимхўжаев бошчилигидаги Ўзбекистон ўсмирлар терма жамоаси (U-16) шу йилнинг 29 май - 6 июнь кунлари Озарбайжон пойтахти Боку шаҳрида бўлиб ўтадиган «Каспий Кубоги-2013» турнирида иштирок этади.
Озарбайжонда анъанавий ўтказиладиган «Каспий Кубоги» мусобақаси шу йилнинг 29 май – 6 июнь кунлари оралиғида Боку шаҳрида бўлиб ўтади. 12та мамлакат ўсмирлар терма жамоаси (U17) иштирок этадиган турнирда Ўзбекистон ўсмирлар терма жамоаси (U-16) ҳам қатнашади.
Мусобақа регламентига кўра ҳар бир иштирокчи мамлакат 18 нафар футболчини рўйхатга киритиш имконига эга. Ўйинлар Бокудаги «Байли» ва «Далга» стадионларида бўлиб ўтади. 12та жамоа, 3тадан 4 гуруҳга бўлинган ҳолда мусобақага киришади. Гуруҳларда 1-ўринни қўлга киритган мамлакатлар ярим финалга йўлланма олишади. Ярим финалда мағлубиятга учраган терма жамоалар турнирнинг 3-ўрин эгасини аниқлаш йўлида кураш олиб боришади. Мос равишда мусобақанинг 5 ва 7-ўринлари учун ҳам ўйинлар ташкил этилади.
Мусобақа ташкилотчилари томонидан ўтказилган қуръага кўра Ўзбекистон ўсмирлар терма жамоаси бу йилги турнирннинг «С» гуруҳида Иордания ҳамда Туркия ўсмирлар терма жамоаларига қарши кураш олиб борадиган бўлишди.
Маълумот ўрнида, 2012 йилги «Касбий Кубоги» мусобақасида иштирок этган Дилшод Нуралиев бошчилигидагии Ўзбекистон ўсмирлар терма жамоаси мусобақада 3-ўринни эгаллаган эди.
«Касбий Кубоги-2013»
30 май. 1-тур
Ўзбекистон - Иордания
1 июнь. 2-тур
Ўзбекистон - Туркия
