Аргентина терма жамоаси ҳужумчиси Лаутаро Мартинес Лионель Мессига Гватемала билан ўртоқлик учрашувида пенальти тепиш ҳуқуқини бергани учун миннатдорчилик билдирди. Ўртоқлик учрашуви 4:1 ҳисобида жаҳон чемпионларининг ғалабаси билан якунланди.
"Мен тўпга қарадим ва Лео уни менга берди. Мен унга бу ишораси учун миннатдорчилик билдирдим. Бу буюк инсоннинг иши. Месси майдонда ҳам, майдон ташқарисида ҳам жентльмен. Бу жамоамизга ёрдам беради" - деди Мартинес Tyc Sports билан суҳбатда.
Охирги баҳсда Месси ва Лаутаро иккитадан гол уришди. Тез орада Аргентина терма жамоаси чемпионлик унвонини ҳимоя қиладиган Америка кубогини бошлайди.
