Уругвай терма жамоаси ярим ҳимоячиси Родриго Бентанкур "Тоттенхэм"даги жамоадаши Хён Мин Сондан кечирим сўради. Бунга сабаб Уругвай телевидениесидаги ҳазил бўлди. Чунки, Бентанкур ўз интервьюси давомида "Соннинг амакиваччасидан ҳам либос сўраса бўлаверади, сабаби, уларнинг барчаси бир хил" - деган.
"Дўстим, Сон! Бўлиб ўтган воқеа учун сиздан узр сўрайман. Бу жуда ёмон ҳазил эди! Сизни қанчалик яхши кўришимни ва ҳеч қачон сизни ҳам, бошқаларни ҳам ҳурмат қилмаслигимни биласиз”, — деб ёзди Бентанкур ижтимоий тармоқларда.
Уругвай терма жамоаси айни дамда Америка кубогига тайёргарлик кўрмоқда.
