Испания терма жамоаси ўнг қанот ҳимоячиси Дани Карвахаль Хорватия терма жамоаси сардори бўлган жамоадоши Лука Модрич билан учрашишни интиқлик билан кутмоқда. Эслатиб ўтамиз, бугун "қизил фурия" Евро-2024даги илк учрашувини Хорватия терма жамоасига қарши ўтказади.
"Умид қиламанки, бу Модричнинг куни бўлмайди, лекин у ўзгача ўйин ўтказади. Ўйиндан кейин унинг футболкасини олишга ҳаракат қиламан", - деди Карвахаль Madrid Xtra билан суҳбатда.
Модрич ва Карвахаль "Реал Мадрид" билан бирга 6 марта Чемпионлар лигасида ғалаба қозонган. 38 ёшли Лука тез орада "Қироллик клуби" билан шартномасини яна бир мавсумга узайтириши керак.
