Лондоннинг “Арсенал” клуби ярим ҳимоячиси Жоржиньо Италия терма жамоасининг ҳозирги ҳолати ҳақида ўз фикрлари билан ўртоқлашди.
32 ёшли ярим ҳимоячи Евро-2024 таркибидаги иккинчи энг кекса "адзурри" футболчиси ҳисобланади.
Тахминларга кўра, Италия терма жамоасининг ҳозирги таркиби Евро-2020даги каби яхши эмас, аммо Жоржиньо бу нуқтайи назарни қўллаб-қувватламайди.
“Италиянинг ҳозирги жамоаси ва сўнгги Европа чемпионатида ғолиб чиққан жамоа ўртасида кўп умумийлик бор.
Яхши жамоа, ҳамма бир-бири билан яхши муносабатда. Биз ҳаммамиз Италияни ғалаба сари етакламоқчимиз ва энди биз тўғри йўлдамиз", - дея "Арсенал" футболчисининг сўзларини келтиради журналист Алфредо Педулла.
