Испания терма жамоаси ярим ҳимоячиси Ламин Ямал Евро-2024 гуруҳ турнири 1-тур учрашувида Хорватия устидан қозонилган ғалаба (3:0) ҳақида фикр билдирди.
16 ёшли футболчи голли узатмани амалга оширди ва бу ишни қилган Европа чемпионатлари тарихидаги энг ёш футболчига айланди.
"Мен ғалабадан ва Евродаги дебютимдан хурсандман, аммо бизнинг фикрларимиз аллақачон кейинги ўйинлар томон кетмоқда. Мураббий ва жамоага қаерда керак бўлса, ўша ерда ёрдам беришга тайёрман - қанотда, марказда, ҳужумда, ҳимояда. Мен керак бўлган жойдаман", - дея Ямалнинг сўзларини келтиради УЕФА матбуот хизмати.
