“Барселона” ва Испания терма жамоасининг ҳужумкор ярим ҳимоячиси Ламин Ямал ижтимоий тармоқлардаги оммабоп тренд доирасида Европа чемпионатларининг тарихдаги энг яхши футболчилари рейтингини тузиб чиқди.

Ушбу рўйхатда биринчи ўринни испаниялик ҳимоячи Серхио Рамос эгаллаган. Иккинчи ўринда Испания терма жамоасининг яна бир собиқ футболчиси Икер Касильяс жой олган.

Кучли учликни хорватиялик ярим ҳимоячи Лука Модрич якунлади. Рейтингда кейинги ўринларда Фернандо Торрес (Испания), Деку (Португалия), Тьерри Анри (Франция), Мануэль Нойер (Германия), Петер Шмейхель (Дания), Леонардо Бонуччи (Италия) ва Эдер (Португалия) жой олган.