"Бавария" Жамол Мусиаланинг янги шартномаси билан боғлиқ муаммони имкон қадар тезроқ ҳал қилмоқчи.
Ўсиб бораётган суперюлдузнинг амалдаги шартномаси тугашига атиги икки йил қолди ва шунинг учун Европа футболининг бошқа гигантлари аллақачон вазиятни кузатиб боришмоқда. “Бавария” Европа чемпионати якунланганидан сўнг Мусиаланинг агенти билан музокараларни қайта бошлаши кутилмоқда. Инсайдер Фабрицио Романонинг сўзларига кўра, мюнхенликлар раҳбарияти 21 ёшли футболчига маош борасида "ҳақиқатан ҳам ўзгача" таклиф билан чиқади.
Transfermarkt портали Жамол Мусиаланинг нархини 120 миллион еврога баҳолаган. Немис футболчисига айни дамда "Манчестер Сити" жиддий қизиқиш билдирмоқда.
