"Bavariya" Jamol Musialaning yangi shartnomasi bilan bog‘liq muammoni imkon qadar tezroq hal qilmoqchi.
O‘sib borayotgan superyulduzning amaldagi shartnomasi tugashiga atigi ikki yil qoldi va shuning uchun Yevropa futbolining boshqa gigantlari allaqachon vaziyatni kuzatib borishmoqda. “Bavariya” Yevropa chempionati yakunlanganidan so‘ng Musialaning agenti bilan muzokaralarni qayta boshlashi kutilmoqda. Insayder Fabrisio Romanoning so‘zlariga ko‘ra, myunxenliklar rahbariyati 21 yoshli futbolchiga maosh borasida "haqiqatan ham o‘zgacha" taklif bilan chiqadi.
Transfermarkt portali Jamol Musialaning narxini 120 million yevroga baholagan. Nemis futbolchisiga ayni damda "Manchester Siti" jiddiy qiziqish bildirmoqda.
