Мадриднинг «Реал» клуби матбуот хизмати француз ҳимоячиси Ибраима Конате эркин агент мақомида жамоага ўтганини эълон қилди. Бунгача футболчи Англиянинг «Ливерпуль» клубида тўп тепган эди. Конате «қаймоқранглилар» билан 2030 йилнинг июнь ойи охиригача мўлжалланган шартнома имзолади.
Эслатиб ўтамиз, Конате якшанба, 7 июнь куни ўз лавозимига қайта сайланган клуб президенти Флорентино Переснинг сайловолди кампанияси пайтида ваъда қилинган трансферлардан бири эди. Ҳозирда Ибраима Конате Жаҳон чемпионати — 2026 мусобақасида иштирок этаётган Франция терма жамоаси ихтиёрида бўлиб турибди.
Қайд этиш жоизки, Мадриднинг «Реал» клуби ўтган мавсумни Ла Лига турнир жадвалида иккинчи ўринда якунлаган эди. «Барселона» эса Испания чемпионига айланди.
