Англия терма жамоаси ҳимоячиси Киран Триппьер Германияда бўлиб ўтаётган Европа чемпионатининг илк ўйини олдидан терма жамоадоши Фил Фоден ҳақида гапирди.

“Фоден ҳозирда менинг севимли футболчиларимдан бири. Мен машғулот майдонига қайтиб, уни тўп билан кўришим мумкин. Бу йигит футболга берилиб кетган. Унинг майдонда нима қилаётганини ҳамма яхши кўра олади. Аммо унинг машғулотларда қандай ишлашини ҳеч ким билмайди. Унинг майдонни кўриш қобилияти ва техникаси қўрқинчли", - деди инглизлар ўнг қанот ҳимоячиси.