"Интер" ярим ҳимоячиси Николо Барелла Италия терма жамоасининг Албания устидан қозонилган ғалабасидан (2:1) кейин ўз фикрлари билан ўртоқлашди.
"Бу ғалати старт эди. 23-секундда ўтказиб юборган гол бизга психологик жиҳатдан жиддий зарар етказиши мумкин эди, лекин биз ғалаба қозонишни жуда хоҳлагандик.
Турнирни керакли натижа билан бошлаганимиз қувонарли. Жароҳат туфайли шубҳаларга қарамай ўйнай олганимдан хурсандман.
Машғулот ўтказа олмаслик қийин эди, лекин мураббийлар штаби ва жамоадошлар мени қўллаб-қувватладилар.
Бунинг учун уларга раҳмат айтмоқчи эдим", - дея Барелланинг сўзларидан иқтибос келтиради Football Italia.
