«Бенфика» ярим ҳимоячиси Жоау Невеш «ПСЖ»нинг қизиқиш доирасига тушиб қолган. Бу ҳақда инсайдер Фабрицио Романо хабар берди.
Парижликлар уни потенциал трансферлар шорт-листига киритишган, аммо бу ягона вариант эмас.
«Бенфика» футболчи учун 120 миллион евро олишни исташини таъкидламоқда. Унга футболчини бир неча ойдан бери кузатиб келаётган «Манчестер Юнайтед» ва «Арсенал» клублари ҳам қизиқмоқда.
Невеш «Бенфика» тарбияланувчиси ҳисобланади. Жорий мавсумда у 55 учрашувда 3 та гол урди ва 1 та голли узатмани амалга оширди.
