Германиянинг Гамбург шаҳрида нидерландиялик футбол мухлислари кортежида полиция олтин болта билан қуролланган эркакка қарата ўқ узди, деб хабар берди Bild нашри.
"Нидерландиялик мухлисларнинг 12:30 (Германия вақти билан)даги юришида полиция олтин рангли болта билан ҳуқуқ-тартибот идоралари ходимларига бостириб келган шахсга нисбатан чора кўришга мажбур бўлди. Аввалига ҳужумчига нисбатан қалампир гази ишлатилди, кейин эса ўқотар қурол билан отилди. Бир нечта ўқдан яраланган эркак ерга қулади”, — дея хабар беради Bild. нашри.
Ҳужум қилган шахснинг нима мақсадда бу ишни қилгани номаълум. Маълумотларга қараганда ҳозирда у шифохонага ётқизилган.
