Грузия терма жамоаси ва “Наполи” клуби вингери Хвича Кварацхелия Франсиянинг “ПСЖ” клубига ўтиши мумкин. Бу ҳақда инсайдер Николо Скира ижтимоий тармоқлар орқали хабар берди.
Журналистнинг хабар беришича, қанот ҳужумчисининг трансфери билан парижликлар жамоаси бош мураббийи Луис Энрикенинг шахсан ўзи қизиқмоқда. Кварацхелиянинг трансфери 80 миллион еврога баҳоланмоқда. Футболчи ва "Наполи" ўртасидаги меҳнат шартномаси муддати 2027 йилнинг ўрталарига қадар ҳисобланган.
Италия чемпионатининг ўтган мавсумида 23 ёшли ярим ҳимоячи 34та ўйинда иштирок этган. Хвича 11 та гол ва 6 та голли узатмани амалга оширди.
