"Наполи" вингери Хвича Кварацхелияга Англия Премьер-лигаси вакиллари қизиқиш билдирмоқда.
23 ёшли футболчи яқин ойларда клубини ўзгартиришга тайёр, бу унинг агенти берган интервюсидан маълум бўлди. Инсайдер Фабрицио Романонинг сўзларига кўра, "Челси" скаутлари Кварацхелияни ўрганиш учун "Наполи" ўйинларига бир неча бор ташриф буюришган. Муаммо шундаки, Лондон клуби худди “Наполи” каби янги мавсумда Чемпионлар лигасида ўйнамайди – яъни футболчининг асосий талабига жавоб бермайди.
Transfermarkt портали Хвича Кварацхелиянинг нархини 80 миллион еврога баҳоламоқда. "ПСЖ" Грузия терма жамоаси юлдузига асосий даъвогар саналади.
