"Napoli" vingeri Xvicha Kvarasxeliyaga Angliya Premyer-ligasi vakillari qiziqish bildirmoqda.

23 yoshli futbolchi yaqin oylarda klubini o‘zgartirishga tayyor, bu uning agenti bergan intervyusidan ma’lum bo‘ldi. Insayder Fabrisio Romanoning so‘zlariga ko‘ra, "Chelsi" skautlari Kvarasxeliyani o‘rganish uchun "Napoli" o‘yinlariga bir necha bor tashrif buyurishgan. Muammo shundaki, London klubi xuddi “Napoli” kabi yangi mavsumda Chempionlar ligasida o‘ynamaydi – ya’ni futbolchining asosiy talabiga javob bermaydi.

Transfermarkt portali Xvicha Kvarasxeliyaning narxini 80 million yevroga baholamoqda. "PSJ" Gruziya terma jamoasi yulduziga asosiy da’vogar sanaladi.