Словения терма жамоаси дарвозабони Ян Облак Европа чемпионати-2024 доирасидаги Дания билан дурангдан сўнг ўз фикрларини билдирди.

Эслатиб ўтамиз, учрашув якшанба куни бўлиб ўтган ва дуранг билан якунланган, терма жамоалар биттадан гол уришган.

"Ўйин қийин кечди. Бизни нима кутишини билардик, чунки саралашда улар билан икки марта тўқнаш келгандик.

Дастлабки 20-30 дақиқада биз бироз қўрқдик, чунки баъзи ўйинчиларимиз бундай ўйинларга ўрганмаган эдилар, аммо шундан сўнг биз яхшироқ ўйнадик, баъзи вазиятлар яратдик ва гол уришга муваффақ бўлдик", — деди Облак.