Шотландиялик футболчи Евро-2024 доирасидаги иккита ўйинга дисквалификация қилинди.
УEФА тартиб-интизом қўмитаси ҳимоячи Райан Портеусга нисбатан шундай қарор қабул қилди.
Эслатиб ўтамиз, Германия билан ўйиннинг 42-дақиқасида (1:5) Портеус ярим ҳимоячи Илкай Гюндоганнинг зарбасини олдини олиш учун сакрашга уриниб, рақибининг болдир қисмига зарба бериб, уни йиқитганди.
Бунинг учун бош ҳакам Клемент Тюрпен шотландиялик футболчига қизил карточка кўрсатди ва пенальти белгилади.
Икки ўйинлик дисквалификаcия туфайли "Уотфорд" футболчиси Европа чемпионатининг қолган гуруҳ босқичини ўтказиб юборади. У Швейцария ва Венгрия терма жамоалари билан ўйнай олмайди.
Бундан ташқари, Шотландия футбол ассоциацияси мухлисларнинг хатти-ҳаракати учун 5625 евро миқдорида жаримага тортилди - мухлислар майдонга буюмлар улоқтирганди.
