Англия терма жамоаси ҳужумчиси Харри Кейн жамоадоши Жуд Беллингемнинг ўйини ҳақида ўз фикрларини билдириб ўтди.

Евро-2024 гуруҳ босқичи 1-туридан ўрин олган Сербия терма жамоасига қарши ўйинда айнан "Реал Мадрид" ярим ҳимоячиси ягона гол муаллифи бўлди.

"Беллингем - ақл бовар қилмайдиган футболчи. У ҳозир оладиган барча мақтовларга лойиқдир. Гап унинг ўйин услуби, ўзига бўлган ишончи, учрашувнинг боришига таъсир ўтказа олишида.

Унинг позициясидаги ўйинчилар учун гол уриш жуда муҳим ва у буни уддалайди", деди "уч шерлар" сардори.