Франция футбол федерацияси ҳужумчи Килиан Мбаппенинг Евро-2024 доирасидаги Австрияга қарши ўйинда жароҳат олгани бўйича баёнот берди.

Дюсселдорфда бўлиб ўтган Австрия ва Франция терма жамоалари ўртасидаги ўйиннинг иккинчи таймида Килиан Мбаппе бурнини синдириб олди.

Франция терма жамоаси сардорига биринчи бўлиб тиббиёт ходимлари ва доктор Франк Ле Галл ёрдам кўрсатиб, унга бурун синиши ташхисини қўйган.

"Мбаппе яқин кунларда даволанади, бироқ у яқин орада операция қилинмайди. Даволанишдан сўнг мусобақаларга қайтишга тайёрланиши учун унга ниқоб тайёрланади", - дейилади федерация баёнотида.

Франция терма жамоаси навбатдаги ўйинни Нидерландияга қарши ўтказади.