Австрия терма жамоаси бош мураббийи Ральф Рангник Евро-2024 гуруҳ босқичи 1-тури доирасида Францияга қарши ўтказилган ва ўз жамоасининг 0:1 ҳисобидаги мағлубияти билан якунланган ўйин натижаси ҳақида фикр билдирди.
"Биз имкониятлар яратдик. Албатта, Франция ҳам имкониятлар яратди. Дарвозабонимиз Патрик Пенс ажойиб иш қилди. Жамоамга ҳеч қандай танбеҳим йўқ. Улар ҳар доим ҳам тўғри қарор қабул қилишмаган, аммо рақиб кимлигини унутмайлик. Фақат Франциянинг барча футболчиларига, жумладан, захира ўриндиғига қараш керак.
Биз ўйинда мағлуб бўлдик. Тўғрироғи, Франциянинг имкониятлари кўпроқ бўлди ва бу ҳақли ғалаба эди. Аммо сўнгги дақиқаларгача биз устунлик қилдик", - дея Рангник сўзларини келтиради УEФА расмий сайти.
