Машҳур собиқ футболчи Уэйн Руни Франция терма жамоасининг бир футболчисини алоҳида қайд этди. Англиялик футболчи Евро-2024 доирасидаги Австрияга қарши ўйинда энг яхши ўйинчи деб топилган ярим ҳимоячи Н'Голо Кантени қайд этди.
"Франция Канте мисолида энг яхши ўйинчига эга. У ҳамма нарсани қандай қилишни билади: босим ўтказиш, позиция танлаш, бўшлиқлардан фойдаланиш, рақибларнинг ҳаракатларини бузиш ва ҳужумга ёрдам бериш.
Кантенинг энергияси бошқа ўйинчиларни яхшилайди. Улар позицияни йўқотишдан ташвишланишмайди. Мен учун у дунёнинг энг яхши ярим ҳимоячиларидан бири", — дейду Руни.
