Opta мутахассислари ўзларининг суперкомпьютерини ишга туширишди ва сешанба куни тақдим этилган Англия Премьер-лигаси тақвимини таҳлил қилишди.
Таҳлилчилар ўз моделидан фойдаланиб, ҳар бир ўйиннинг мураккаблигини ҳисоблаб чиқдилар ва натижада ҳар бир жамоа учун мавсум бошида тақвим мураккаблигини тахмин қилиш имконига эга бўлди.
Премьер-лиганинг бешта бошланғич турини оладиган бўлсак, энг қийин тақвим "Брентфорд", "Вест Хэм", "Ипсвич" ва "Арсенал"га тўғри келганини кўриш мумкин.
Ушбу сегментдаги энг оддий тақвим "Фулхэм", "Саутгемптон", "Ньюкасл" ва "Ливерпул"га насиб қилгани айтилди.
