"Манчестер Юнайтед" ярим ҳимоячиси Кобби Майну жамоа бош мураббийи Эрик тен Хаг билан ишлаш ҳақида гапирди.
"Мен тен Хагдан жуда миннатдорман, унга раҳмат айтишдан бошқа иложим йўқ. У аллақачон иккита кубокга эга ва умид қиламанки, кўпроқ совринлар бўлади. Бундай хотиржамлик жуда ёқимли, чунки биз янги мавсумда ким мураббий бўлишини биламиз", - деди Майну.
Ўтган мавсумда 19 ёшли Майну асосий жамоа таркибида 35 та ўйинда қатнашиб, 5 та гол урди ва битта голли узатмани амалга оширди. 2023/24 йилги Англия чемпионати якунига кўра, "Манчестер Юнайтед" турнир жадвалида саккизинчи ўринни эгаллади.
