"Вулверхэмптон" ҳимоячиси Макс Килман клубиини ўзгартириши мумкин. Инсайдер Фабрицио Романонинг сўзларига кўра, "Вест Хэм" 27 ёшли ҳимоячига қизиқиш билдирмоқда.
Хабарларга кўра, ҳимоячи "болғачилар"нинг янги бош мураббийи Хулен Лопетеги томонидан юқори баҳоланган. Манбанинг таъкидлашича, "бўрилар" Килманни сақлаб қолмоқчи, шунинг учун "Вест Хэм"га осон бўлмайди. Айни дамда томонлар музокаралар олиб бормоқда, дея қайд этади Романо.
Олдинроқ "бўрилар" 50 миллион евролик таклифни кўриб чиқишга тайёр экани хабар қилинганди. 2023/24 йилги мавсумда Килман барча мусобақаларда 44 та ўйинда майдонга тушиб, иккита гол урди ва битта голли узатмани амалга оширди.
