Туркия терма жамоаси ва Мадриднинг “Реал” клубининг ҳужумкор ярим ҳимоячиси Арда Гюлер Евро-2024 гуруҳ босқичи 1-туридан ўрин олган Грузияга (3:1) қарши ўйин олдидан “қаймоқранглилар” бош мураббийи Карло Анчелотти уни қандай қўллаб-қувватлагани ҳақида гапириб берди.
"Мураббийим Анчелотти ўйин олдидан менга хабар юборди ва муваффақият тилади. "Реал Мадрид"нинг қўллаб-қувватлаши ҳам мени кўп мотивация қилади", - дея туркиялик иқтидор сўзларини келтирган инсайдер Фабрицио Романо.
Эслатиб ўтамиз, Гюлер ушбу учрашувда Туркия терма жамоасининг иккинчи голини урди ва Португалия ҳужумчиси Криштиану Роналдунинг ютуғини ортда қолдириб, Евродаги дебют учрашувида гол урган (19 ёшу 114 кун) тарихдаги энг ёш футболчига айланди.
Гюлер 2023 йилнинг ёзида Мадрид клуби футболчисига айланди.
