Португалия терма жамоаси ярим ҳимоячиси Франсишку! Консейсау Евро-2024 гуруҳ босқичининг 1-тури доирасидаги Чехияга (2:1) қарши ўйиндан сўнг ўз ҳис-туйғулари билан ўртоқлашди.
21 ёшли португалиялик футболчи 90-дақиқада захирадан майдонга тушди ва якунда ғалаба голини киритди.
“Мен жамоага ёрдам бериш йўлини топмоқчи эдим. Яхшиямки, мен муваффақиятга эришдим. Ўша дамда ўзимни жуда бахтли ҳис қилдим. Мен отам, онам, қиз дўстим ва укаларим бу ерда эканлигидан фахрланардим. Мен шунчаки барча португалияликларга, айниқса, жуда хавотирда бўлган оиламга қувонч бахш этмоқчи эдим. Бу ғалаба улар учун", - дея Консейсау сўзларини келтирмоқда Record.
