"Челси" ҳужумчиси Николас Жексон ўзини кўрсатиш учун янги имкониятга эга бўлиши кутилмоқда.
Сенегаллик форвард Англияда ўртача дебют мавсумини ўтказди: баъзида у лигада энг кўп танқид қилинган футболчилардан бири бўлган, аммо якунда 44 ўйинда урилган 17 гол билан мавсумни якунлаган. Журналист Алекс Туомининг хабар беришича, "Челси" янги форвард сотиб олиш ниятига қарамай, Жексонни ҳисобдан чиқаришни режалаштирмаяпти. “Кўклар” Жексоннинг ўрнига тўғридан-тўғри эмас, балки бошқа турдаги, услуби жиҳатидан Армандо Брояга ўхшаш ўйинчи қидирмоқда.
Николас Жексон ўтган ёзда "Вильярреал"дан 37 миллион евро эвазига "Челси"га ўтган эди.
