Англия терма жамоаси бош мураббийи Гарет Саутгейт 2024 йилги Европа чемпионати вақтида футболчиларнинг хотинлари ва болаларига машғулот базасига ташриф буюришга рухсат берди, бу ҳақда The Telegraph нашри хабар бермоқда.

Манба берган хабарга кўра, мутахассис буни футболчилар муҳим турнир вақтида оилаларини соғинмасликлари учун қилган. Эслатиб ўтамиз, Европа чемпионатининг илк ўйинида Англия терма жамоаси Сербия устидан 1:0 ҳисобида минимал ғалабага эришган эди.

Кейинги учрашувда Саутгейт шогирдлари Дания терма жамоасига қарши майдонга тушади ва Словения билан учрашув билан гуруҳ босқичини якунлайди.