Карло Анчелотти "Реал Мадрид" бошқарувида ажойиб мавсум ўтказди ва шу вақт ичида у шартномасини 2026 йилнинг ўрталарига қадар узайтирди. Йирик клублар узоқ муддатга режалар тузмоқда, Мадрид Анчелотти ўрнини мураббийлик курсида ким эгаллаши ҳақида ўйламоқда.

TodoFichajes нашри маълумотларига кўра, "Лос-Бланкос" президенти Флорентино Перес Томас Тухель номзодини кўриб чиқмоқда. Қайд этилишича, Пересни Тухелнинг юлдуз футболчилар билан ишлаш қобилияти ҳам ўзига тортади. Германиялик мураббий келаси ёзда "Реал"ни бошқариши мумкин.

Эслатиб ўтамиз, 2023/2024 йилги мавсум якунида Тухель "Бавария" бош мураббийи лавозимини тарк этганди. Шу билан бирга, немиснинг шартномаси ўз кучини сақлаб қолади - у 2025 йилнинг ўрталарига қадар амал қилади.