Туриннинг "Ювентус" клуби ярим ҳимоячиси Адриен Рабьо раҳбариятнинг Тьяго Моттани бош мураббий этиб тайинлаш қарорига изоҳ берди.
Эслатиб ўтамиз, франциялик футболчининг шартномаси июль ойида тугайди, аммо "кекса синьора" тажрибали Рабьо билан шартномани узайтириши эҳтимоли бор.
"Тьяго Мотта? У "Болонья" билан ажойиб натижаларга эришган ажойиб мураббий. "ПСЖ"да бирга ўйнаганмиз. Тьягонинг ўзини фаолияти бор, мени ўзимники бор. Келинг, нима бўлишини кўриб чиқайлик. Ўйлайманки, "Ювентус" Тьяго Моттани таклиф қилиб, тўғри танлов қилди", - деди Рабьо.
Рабьо 2019 йилдан бери “Ювентус”да ўйнаб келмоқда ва жамоа билан бир марта Скудетто ва икки марта Италия кубогини қўлга киритган.
