Конор Галлахер "Атлетико Мадрид"га ўтиши мумкин.
AS нашри хабарига кўра, Мадрид клуби ярим ҳимоячининг эҳтимолий трансфери бўйича аллақачон "Челси" билан боғланган ва 20 миллион еврога тенг бўлган илк норасмий таклифни билдирган, бироқ рад этилган.
"Кўклар" 24 ёшли футболчини сотишга тайёр, бироқ 50 миллион евро атрофида даромад олишни кутмоқда. Бу миқдор "матрасчилар" учун жуда катта, бироқ музокаралар бироз вақтдан кейин давом этиши кутилмоқда.
Англиялик футболчини "Атлетико"нинг спорт раҳбарияти ҳам, бош мураббийи Диего Симеоне ҳам яхши кўришади. Галлахер кейинги ўн йил ичида натижа бера оладиган футболчи сифатида кўрилади.
Қайд этилишича, мадридликлар ёзда таркибда катта ўзгаришларни амалга оширишни режалаштирмоқда. Клуб ярим ҳимоячининг трансферидан ташқари икки нафар марказий ҳимоячи ва бир ҳужумчини ҳам сотиб олмоқчи.
