"Жирона" ҳужумчиси Артём Довбик Италия клубларига ўтишдан бош тортди, дея хабар қилмоқда Mundo Deportivo нашри.
Эслатиб ўтамиз, украиналик форвардга "Наполи" ва "Милан" қизиқиш билдирган, улар ҳатто футболчининг агентлари билан ҳам аниқ музокаралар олиб боришган.
Бироқ, натижада Артёмнинг ўзи Италия клубларидан воз кечишга қарор қилди, чунки у Испанияда қолишни хоҳлайди.
Бу ҳолатда "Атлетико Мадрид" Довбик учун устувор вариант бўлиб қолмоқда ва "матрасчилар" ҳақиқатан ҳам украиналик футболчи билан шартнома имзоламоқчи.
Трансфер ойнаси вақтида мадридликлар Артёмни трансфер қилиш учун ҳужум чизиғини ва иш ҳақи ҳисобини енгиллаштириши керак.
Аввалроқ, "Манчестер Юнайтед" ҳам янги форвард трансфери устида иш бошлагани ҳақида хабар берилганди.
