"Jirona" hujumchisi Artyom Dovbik Italiya klublariga o‘tishdan bosh tortdi, deya xabar qilmoqda Mundo Deportivo nashri.
Eslatib o‘tamiz, ukrainalik forvardga "Napoli" va "Milan" qiziqish bildirgan, ular hatto futbolchining agentlari bilan ham aniq muzokaralar olib borishgan.
Biroq, natijada Artyomning o‘zi Italiya klublaridan voz kechishga qaror qildi, chunki u Ispaniyada qolishni xohlaydi.
Bu holatda "Atletiko Madrid" Dovbik uchun ustuvor variant bo‘lib qolmoqda va "matraschilar" haqiqatan ham ukrainalik futbolchi bilan shartnoma imzolamoqchi.
Transfer oynasi vaqtida madridliklar Artyomni transfer qilish uchun hujum chizig‘ini va ish haqi hisobini yengillashtirishi kerak.
Avvalroq, "Manchester Yunayted" ham yangi forvard transferi ustida ish boshlagani haqida xabar berilgandi.
