Луис де ла Фуэнте Евро-2024 2-туридан ўрин олган Испания - Италия ўйини олдидан ўз фикрларини билдириб ўтди.
“Ҳар бир футболчининг Хорватияга қарши ўйинидан (3:0) ва бошқа йигитларимизнинг машғулотлардан жуда мамнунман.
Улар ўзларини жуда юқори савияда кўрсатишди. Албатта, эртага [пайшанба] ғалаба қозонишни истаймиз. Ҳозир барча фикрларимиз фақат шу ўйин ҳақида.
Ўйиндан ўйинга мақсадимиз сари интиляпмиз. Эртага бизни энг муҳим ўйин кутиб турибди. Ҳар бир учрашувда фақат ғалаба қозониш учун ўйнаймиз. Биз бошқача ўйнашни билмаймиз.
Италия бизга жуда ўхшайди. Улар яқинда жамоани янгилашди, уларда ёш йигитлар бор, уларнинг кураши менга жуда ёқади. Уларда кўплаб усталар ва тажрибали футболчилар бор”, - деди Испания терма жамоаси бош мураббийи.
