Luis de la Fuente Yevro-2024 2-turidan o‘rin olgan Ispaniya - Italiya o‘yini oldidan o‘z fikrlarini bildirib o‘tdi.

“Har bir futbolchining Xorvatiyaga qarshi o‘yinidan (3:0) va boshqa yigitlarimizning mashg‘ulotlardan juda mamnunman.

Ular o‘zlarini juda yuqori saviyada ko‘rsatishdi. Albatta, ertaga [payshanba] g‘alaba qozonishni istaymiz. Hozir barcha fikrlarimiz faqat shu o‘yin haqida.

O‘yindan o‘yinga maqsadimiz sari intilyapmiz. Ertaga bizni eng muhim o‘yin kutib turibdi. Har bir uchrashuvda faqat g‘alaba qozonish uchun o‘ynaymiz. Biz boshqacha o‘ynashni bilmaymiz.

Italiya bizga juda o‘xshaydi. Ular yaqinda jamoani yangilashdi, ularda yosh yigitlar bor, ularning kurashi menga juda yoqadi. Ularda ko‘plab ustalar va tajribali futbolchilar bor”, - dedi Ispaniya terma jamoasi bosh murabbiyi.