Ижтимоий тармоқларда "Реал Мадрид" ва Хорватия терма жамоаси ярим ҳимоячиси Лука Модрич иштирокидаги янги видео тарқалди. Микст-зонадаги журналистлардан бири Модричга “Хорватия терма жамоаси навбатдаги Европа чемпионати ўйинига таркибни ёшартириши керак эмасми?" деган саволни берди. 38 ёшли Лука ўзининг ёши ҳақидаги ишорани тушуниб, журналистларнинг саволига жавоб беришни истамади ва ортига ўгирилиб кетди.
Хорватия терма жамоаси 2024 йилги Европа чемпионатининг "Б" гуруҳида ўйнайди. 1-турда хорватлар Испанияга йирик – 0:3 ҳисобида имкониятни бой беришди. 2-турда Албания билан 1:1 ҳисобида дуранг қайд этилди. Шу тариқа, Хорватия терма жамоаси 2024 йилги Европа чемпионати гуруҳ босқичининг иккита ўйинида бирорта ҳам ғалаба қозона олмади.
