Москванинг ЦСКА клуби дарвозабони Илья Помазун Мадриднинг “Атлетико” клубига ўтиши мумкин. Бу ҳақда журналист Тибо Везирян хабар бермоқда.
Манбага кўра, "матрасчилар" 27 ёшли футболчини ижарага олиш бўйича келишувни якунлаш арафасида. Таъкидланишича, "Атлетико" Помазунни Ян Облак ўрнига иккинчи дарвозабон сифатида ўз сафига қўшиб олмоқчи.
Помазун сўнгги тўрт мавсумни “Урал”да ижара асосида ўтказди. Ўтган мавсумда у барча турнирларда 34 та ўйинда қатнашиб, 50 та гол ўтказиб юборди ва 8 марта ўз дарвозаси дахлсизлигини сақлаб қола олди.
Помазуннинг ЦСКА билан амалдаги шартномаси 2028 йилгача мўлжалланган. Transfermarkt портали футболчининг нархини икки миллион еврога баҳоламоқда.
