Сербия терма жамоаси ҳужумчиси Александр Митрович 2024 йилги Европа чемпионати доирасидаги Словенияга (1:1) қарши ўйиндан сўнг ўз фикрларини билдириб ўтди.
"Бу биз учун муҳим гол ва очко. Биз сўнгги сонияларда қайтдик ва бунга тўлиқ муносиб эдик. Биринчи бўлимда улар яхшироқ кўринди, аммо биз мағлубиятдан қутулиб қолдик. Биз жуда кўп вазиятлар яратдик, айниқса менга омад кулиб боқмади. Биз ўзимизни тиклаб олишга ва Дания билан ўйинга тайёр бўлишга ҳаракат қиламиз. Умид қиламанки, беш кундан кейин энг яхши ўйинимизни кўрсатамиз", — деди Митрович УЕФА матбуот хизматига.
Сербия ва Дания учрашуви 25 июнь куни Тошкент вақти билан соат 23:59да бошланади.
