Нидерландия терма жамоаси ярим ҳимоячиси Жоржиньо Вейналдум Европа чемпионати-2024 гуруҳ босқичи 2-тур учрашуви арафасида Франция терма жамоаси ҳужумчиси Килиан Мбаппе ҳақида гапирди.
“Менинг у ҳақидаги таассуротим, эҳтимол, бошқаларники билан бир хил. Айтиш мумкинки, у айни дамда дунёнинг энг яхши футболчиси. Унинг майдонда нима қилаётгани ўзи ҳақида гапиради. Мен Парижда бўлганимда машғулотлар ва ўйинларда у билан бирга бўлганмиз. Биз мунтазам равишда бир-биримизни кўрардик. Бизда ажойиб дўстлик бор эди ва ўшандан бери алоқада бўлиб турамиз", - дея Вейналдумнинг сўзларини келтиради УЕФА расмий сайти.
