Польша терма жамоаси дарвозабони Войцех Шесни Австрия билан 2024 йилги Европа чемпионати гуруҳ босқичи 2-тур учрашуви олдидан ҳужумчи Роберт Левандовскининг ҳолати ҳақида гапирди.
"У 90 дақиқа ўйнашга тайёрми ёки йўқми, билмайман, аммо рақибларимиз уни кўришдан хурсанд бўлмайди. Адам Букса биринчи ўйинда унинг ўрнини босган ҳолда ажойиб ишни амалга оширди, аммо биз Польша тарихидаги энг яхши футболчи ҳақида гапиряпмиз, шунинг учун унинг қайтиши бизга ҳам психологик, ҳам майдонда ёрдам беришига шубҳа йўқ", - дейди дарвозабон.
Бугун, 21 июнь куни Берлинда Австрия ва Польша терма жамоалари ўртасидаги учрашув бўлиб ўтади.
