Polsha terma jamoasi darvozaboni Voysex Shesni Avstriya bilan 2024 yilgi Yevropa chempionati guruh bosqichi 2-tur uchrashuvi oldidan hujumchi Robert Levandovskining holati haqida gapirdi.
"U 90 daqiqa o‘ynashga tayyormi yoki yo‘qmi, bilmayman, ammo raqiblarimiz uni ko‘rishdan xursand bo‘lmaydi. Adam Buksa birinchi o‘yinda uning o‘rnini bosgan holda ajoyib ishni amalga oshirdi, ammo biz Polsha tarixidagi eng yaxshi futbolchi haqida gapiryapmiz, shuning uchun uning qaytishi bizga ham psixologik, ham maydonda yordam berishiga shubha yo‘q", - deydi darvozabon.
Bugun, 21 iyun kuni Berlinda Avstriya va Polsha terma jamoalari o‘rtasidagi uchrashuv bo‘lib o‘tadi.
