Франция терма жамоаси бош мураббийи Дидье Дешам Нидерландия терма жамоаси билан бўлиб ўтадиган Евро-2024 ўйини ҳақида гапирди.
Мутахассис улар билан бўлган сўнгги учрашувидан буён рақиб анча ўзгарганини қайд этди. “Биз саралашда Нидерландияни мағлуб этганимизда, уларда беш-олтита асосий ўйинчи етишмаётган эди.
Улар энди аввалгидек жамоа эмас ва ўшандан бери эришган натижалари буни исботлади. Бу саралаш турнирида тўқнаш келганимиздан кўра анча кучли жамоа бўлади.
Мақсадимизга эришдик - биринчи ўйинда ғалаба қозондик. Аммо ҳозир нидерландлар мисолида бўлгани каби, кейинги мақсад иккинчи ўйинда ҳам ғалаба қозониб, гуруҳдан чиқиш бўлади.
Биз имкон қадар яхшироқ ўйнашимиз ва рақиб учун хавфли бўлишимиз керак", - дея Дидье Дешамнинг сўзларини келтиради УEФА расмий сайти.
