Мадриднинг "Реал" клуби ҳимоячиси Начо Фернандес футболчилик фаолиятида янги саҳифа очишга тайёрланмоқда.
Relevo нашри хабарига кўра, 34 ёшли футболчи Саудия Арабистонининг "Ал-Қодисия" клубига ўтишга яқин турибди. Келаси мавсумда бу жамоа ўз мамлакатининг олий дивизионида иштирок этади.
Манбага кўра, Начо ва "Ал-Қодисия" ўртасидаги музокаралар якуний босқичга кирмоқда. Ҳаммаси тез орада "Реал Мадрид"нинг амалдаги сардори меҳнат шартномасини имзолаши томон кетмоқда.
Начо эркин агент сифатида "Ал-Қодисия"га ўтади - ҳимоячининг амалдаги шартномаси июнь ойи охиригача амал қилади. Ҳозиргача Начо фаолияти давомида фақат “Реал”да ўйнаган.
