Шотландиялик чап қанот ҳимоячиси Киран Тирни Европа чемпионатида бошқа ўйнамайди. "Eurosport" хабарига кўра, тиззасидан олган жиддий жароҳат 27 ёшли футболчининг турнирда яна иштирок этишига тўсқинлик қилади.
Хабарингиз бор, Швейцарияга қарши сўнгги ўйинда (1:1 дуранг) Тирни жароҳатидан сўнг иккинчи бўлимда замбилда майдондан олиб чиқиб кетилган эди.
Европа чемпионати гуруҳ босқичи 3-турида Шотландия Венгрияга қарши баҳс олиб боради. Учрашув 23 июнь, якшанба куни бўлиб ўтади. Икки ўйиндан атиги бир очко қўлга кирита олган бўлсада, шотландларда ҳали ҳам плей-оффга чиқиш имконияти бор.
