Shotlandiyalik chap qanot himoyachisi Kiran Tirni Yevropa chempionatida boshqa o‘ynamaydi. "Eurosport" xabariga ko‘ra, tizzasidan olgan jiddiy jarohat 27 yoshli futbolchining turnirda yana ishtirok etishiga to‘sqinlik qiladi.

Xabaringiz bor, Shveysariyaga qarshi so‘nggi o‘yinda (1:1 durang) Tirni jarohatidan so‘ng ikkinchi bo‘limda zambilda maydondan olib chiqib ketilgan edi.

Yevropa chempionati guruh bosqichi 3-turida Shotlandiya Vengriyaga qarshi bahs olib boradi. Uchrashuv 23 iyun, yakshanba kuni bo‘lib o‘tadi. Ikki o‘yindan atigi bir ochko qo‘lga kirita olgan bo‘lsada, shotlandlarda hali ham pley-offga chiqish imkoniyati bor.