Испания терма жамоаси ҳимоячиси Марк Кукурелья Европа чемпионати-2024 гуруҳ босқичи 2-тур учрашувида Италия терма жамоаси устидан қозонилган ғалаба ҳақида гапирди.
"Қизил фурия" 1:0 ҳисобида ғалаба қозонди.
"Биз ҳозир ажойиб даврни бошдан кечирмоқдамиз. Италияга қарши муҳим ўйин бўлди. Бу ғалабалар бизга қўшимча ишонч бағишламоқда. Ўз ишимиз билан фахрланишимиз мумкин, лекин ҳали олдинда узоқ йўл бор. Ҳозирча жамоа ҳеч нарсага эриша олмади, фақат иккита ўйинда ғалаба қозонди. Мақсадимиз - охиригача ғалаба қозониш", - деди Кукурелья Marca билан суҳбатда.
Испания терма жамоаси олти очко жамғариб, плей-офф босқичига йўл олди.
